DÍA 3

Boas noites!

No día de hoxe despertamos cun día maravilloso onde o sol foi o protagonista!

O grupo das Chalanas convertiuse en científicos por unha mañá, levando a cabo de primeira man uns experimentos chulísimos!

Mentres tanto as Dornas pasou a mañá na praia facendo kaiak, onde ao ser a súa primeira rotación tiveron unha explicación teórica sobre como remar ou como suxeitar o remo.

Quen sabe se grazas ao campamento xorde o/a seguinte campión/a olímpico/a de kaiak?

Por outra banda, as Traineras tamén baixaron á praia para aprender a facer paddle surf! Do mesmo xeito, e ao ser a súa primeira rotación, reciviron unha pequena explicación teórica que posteriormente levaron á práctica.

Pola tarde as Chalanas tiveron Snorkel, onde tras botar unha ollada no fondo mariño da praia de Pereiró e descubrir especies descoñecidas para os/as participantes, un dos nosos monitores perdeu as chanclas!

Mentres que o grupo das Dornas tivo esta tarde Aula Natureza, onde de camiño ao Burato do Inferno, aprenderon cousas moi interesantes sobre a flora da Illa de Ons.